Kutubxona Tarixi

Jizzax viloyati  Doʻstlik tumani
Axborot-kutubxona markazi toʻgʻrisida 
Ma’lumot

Oʻzbekiston Respublikasi Prezidentining 2019-yil 7-iyunda  “Oʻzbekiston Respublikasi aholisiga axborot –kutubxona xizmati koʻrsatishini yanada takomillashtirish toʻgʻrisida”gi PQ-4354-sonli hamda viloyat xokimining 2019-yil 11-iyunda 226-sonli  qarorlari asosida tuman xokimining 2019-yil 13-iyunda 994-sonli qarori tasdiqlanib Doʻstlik tuman Axborot- kutubxona markazi tashkil qilindi.

2019-yil iyun oyida Doʻstlik Qishloq xoʻjaligi kasb xunar kollejidan 9ta xona ajratildi. Axborot –kutubxona xodimlari 23-dekabrdan ish boshladi. Hozirda kutubxonada 16 nafar ishchi xodim ishlaydi. Axborot-kutubxona markaziga  Bekzod Karimov Yuldoshevich rahbarlik qilib kelmoqda.

Axborot- kutubxona markaziga Doʻstlik sanoat kollejidan, Doʻstlik tibbiyot kollejidan, Axborot resurs markazidan jami   14618 dona kitob olib kelindi. Shundan:8100 nusxadagi kitoblar kollej darsliklari, 6518 nusxadagi kitoblar badiiy adabiyotlar va boshqa mazmundagi kitoblar.

Axborot–kutubxona markazini targʻib qilish maqsadida tumandagi

xalq ta’limi tizimidagi 19 ta maktab, markazdagi mahalla fuqarolar

yigʻinlari, xokimiyat, moliya, prokratura, maktabgacha ta’lim muassasalari, Yoshlar itfoqi tuman kengashi, Tibbiyot kolleji, Agrokollej va axoli oʻrtasida hamda  tumanda tashkil qilingan barcha tadbirlarda targʻibot ishlari olib borildi.Tumandagi barcha e’tibor tortadigan markazlarga reklama e’lonlarni tarqatildi.

Yangi tashkil qilingan axborot-kutubxona markaziga barcha xodimlarni 3 oylik sinov muddati bilan ishga qabul qilishdi.Kadrlarni kutubxona sohasida oʻqigan, kutubxonada ishlagan,kompyuter savodxonligiga ega boʻlganlar tanlab olindi. Kutubxona ish faoliyatini boshlangandan keyin 7 nafar xodim Milliy kutubxonada malaka oshirish uchun borib keldi.Boshqa xodimlar viloyat Axborot-kutubxona markazidan uslubiy yordam olishdi.

  Foydalanuvchilarga xizmat sifatini yaxshilash maqsadida fonddagi kitoblarni koʻrgazma shaklda qulay qilib joylashtirilgan,kitobxon kitobni oʻqib undan foydalanish uchun stol va stullar xam mavjud.Yana bir qulaylik bepul online kitob oʻqish yoʻlga qoʻyilgan.Kitobxonlarga xizmat koʻrsatish xodimlari tomonidan shartnoma asosida kitob yetkazib berish yoʻlga qoʻyilgan.

Axborot-kutubxona markazida bugungi kun kitobxonini talabini qondirish va donorlar topish boʻyicha xam turli choralar koʻriliyapti.Axborot-kutubxona markazi qoshida kitob doʻkoni tashkil qilinib,kitobxonlar xarid  qilishi uchun arzonlashtirilgan kitoblar  yetkazib berish rejalashtirilgan.

2023-yil xolatiga Bibliografiya xizmati,Fondlarni to’ldirish saqlash va ishlov berish xizmati,Abonomentlarga va Foydalanuvchilarga xizmat koʻrsatish xizmati, Axborot-kommunikatsiya texnologiyalari va raqamlashtirish xizmatlari faoliyat ko’rsatib kelayabdi.Axborot-kutubxona markazining birinchi direktori 2019-yil 13-iyundan Bekzod Karimov Yuldoshevich rahbarlik qilib kelmoqda.Bugungi kunda jami kitob fondi 23936 ta,Gazetalar 9 nomda,jami foydalanuvchilar 13795 nafarni tashkil qiladi.