“Ziyo sari bir qadam” loyihasiga start berildi.

---

Do‘stlik tuman axborot-kutubxona markazida kitobxonlikni yanada rivojlantirish, yoshlarning ma’naviy salohiyatini oshirish maqsadida yana bir yangi va ahamiyatli loyiha — “Ziyo sari bir qadam” loyihasiga start berildi. Mazkur loyiha Do‘stlik tuman hokimligi, Respublika Ma’naviyat va ma’rifat markazi Do‘stlik tuman bo‘linmasi hamda MMT bo‘linmasi hamkorligida tashkil etildi.

✅Loyihaning saralash bosqichining 1-kuni ko‘tarinki ruhda o‘tkazildi. Unda tumandagi 1-2- 3 va 4-maktablardan tashrif buyurgan jamoalar faol ishtirok etib, uchta shart asosida o‘z bilim va mahoratlarini  sinovdan o‘tkazdilar. 

1️⃣ “Men sevgan asar” sharhi — ushbu shartda o‘quvchilar o‘zlari sevib o‘qigan asarlar haqida chuqur va mazmunli fikrlar bildirib, asarning g‘oyaviy ahamiyatini ochib berdilar.

2️⃣ Tezkor savol-javob — bu bosqichda ishtirokchilarning hozirjavobligi, bilim doirasi va mantiqiy fikrlash qobiliyati sinovdan o‘tkazildi.

3️⃣ Erkin mavzu — jamoalar ijodkorlik va sahna madaniyatini namoyon etib, turli chiqishlar orqali tomoshabinlar va hakamlar hay’atida katta taassurot qoldirdilar.

✅Har bir shart davomida o‘quvchilar o‘z bilimlari, iste’dodlari va jamoaviy hamjihatliklarini namoyish etib, final yo‘llanmasi uchun munosib kurash olib bordilar. Qizg‘in va murosasiz bahslar yakunida 1-maktab jamoasi faxrli 1-o‘rinni, 3-maktab jamoasi esa 2-o‘rinni qo‘lga kiritib, tanlovning final bosqichida ishtirok etish imkoniyatini qo‘lga kiritdilar.

✅Tanlov davomida faol kitobxonlar tomonidan she’riy chiqishlar, kuy-qo‘shiqlar va milliy raqslar ijro etilib, tadbirga yanada fayz va shukuh bag‘ishlandi. Ishtirokchilarning sahnadagi chiqishlari tomoshabinlarda katta taassurot uyg‘otdi.