Yana bir muhim ma’naviy-ma’rifiy tadbir — kitob taqdimoti tashkil etildi.

---

Joriy yilning 25-fevral kuni Do‘stlik tuman axborot-kutubxona markazida yana bir muhim ma’naviy-ma’rifiy tadbir — kitob taqdimoti tashkil etildi. Mazkur tadbir 1–2-son umumiy o‘rta ta’lim maktablarining ona tili va adabiyoti fani o‘qituvchilari F. Norxo‘jayeva hamda I. Karimovalar bilan hamkorlikda o‘tkazildi.

🔘Bugungi taqdimot atoqli o‘zbek yozuvchisi va dramaturgi Said Ahmadning “Jimjitlik” romani asosida tashkil qilindi. Taqdimot avvalida M. Rahimova tomonidan adibning hayoti va ijodi haqida batafsil ma’lumot berildi.

🔘Shundan so‘ng F. Norxo‘jayeva hamda I. Karimovalar asarning yaratilish tarixi, g‘oyasi, qahramonlari, voqealari hamda yakuniy xulosalari yuzasidan o‘z fikr-mulohazalarini bildirib, asarni o‘qishni tavsiya etdilar.

🔘Taqdimot davomida talabalar tomonidan asar qahramonlari va undagi voqealar yuzasidan savol-javoblar o‘tkazildi. Navbatdagi chiqish asardan parcha ijro etish uchun AKT xizmati rahbari O‘. Narbayevga berildi. “Jimjitlik” romanidagi Mirvali va Tolibjon o‘rtasida kechgan suhbatdan parcha ishtirokchilar e’tiboriga havola qilindi.

🔘Taqdimot yakunida Said Ahmad asarlari nafaqat adabiyot, balki hayot sabog‘i ekani alohida ta’kidlandi.

🔘Tadbirda Abu Ali ibn Sino nomidagi jamoat salomatlik texnikumi kutubxonachisi va talabalari, 1-, 2- va 8-son umumiy o‘rta ta’lim maktablari kutubxonachilari hamda o‘quvchilari, shuningdek 3-son Bolalar musiqa maktabi kutubxonachisi ishtirok etdi.