Xalqaro hamkorlik doirasidagi tashrif

---

 Xalqaro hamkorlik doirasidagi tashrif

Qozog‘iston Respublikasi Turkiston viloyatidagi “Farab” ilmiy-universal kutubxonasi vakillari Do‘stlik tuman axborot-kutubxona markaziga tashrif buyurib, markaz faoliyati bilan yaqindan tanishdilar. Tashrif davomida mehmonlarga kutubxonada yaratilgan zamonaviy va qulay sharoitlar, xususan, elektron o‘quv zali, boy kitob fondi hamda kitobxonlarga ko‘rsatilayotgan xizmatlar haqida batafsil ma’lumot berildi.

Shuningdek, delegatsiya a’zolari kutubxonachilarning kundalik ish faoliyati, axborot texnologiyalaridan samarali foydalanish tajribasi hamda kitobxonlikni targ‘ib etish bo‘yicha olib borilayotgan ishlar bilan tanishdilar.

Tashrif yakunida mehmonlar kutubxonaga esdalik sifatida badiiy va ilmiy adabiyotlardan iborat kitoblar to‘plamini hadya qildilar. Mazkur uchrashuv ikki tomonlama hamkorlikni mustahkamlash, kutubxonachilik sohasida tajriba almashish hamda madaniy aloqalarni yanada rivojlantirishga xizmat qilishi bilan ahamiyatlidir.