“Vatan uchun, millat uchun, xalq uchun!” shiori ostida “Umummilliy birdamlik” ijtimoiy-ma’rifiy loyihasi tashkil etildi.

---

Bugun avgust oyining 22-sanasida Sanoatchilar mahallasida “Umummilliy birdamlik” festivali doirasida  O‘zbekiston Respublikasi Mustaqilligining 34 yilligi munosabati bilan “Vatan uchun, millat uchun, xalq uchun!” shiori ostida “Umummilliy birdamlik” ijtimoiy-ma’rifiy loyihasi tashkil etildi. 

Loyiha tuman hokimligi, Do'stlik tuman axborot-kutubxona markazi, “Mahallalar uyushmasi” tuman bo‘limi, Respublika Ma’naviyat va ma’rifat markazining Do‘stlik tuman bo‘linmasi, Sanoatchilar mahalla faollari, tuman Madaniyat bo‘limlari va boshqa hamkor tashkilotlar bilan birgalikda o‘tkazildi. Unda mahalla aholisi  faol ishtirok etdi. 

Festivalda axborot-kutubxona markazi xodimlari ham kitobxonlikni targ‘ib etish maqsadida kitob ko‘rgazmalari bilan ishtirok etdilar. Festivalda  90 ta  kitob ko‘rgazmaga qo'yildi.Tashkil qilingan ushbu ko'rgazma bilan 70 nafar tadbir ishtirokchilari yaqindan tanishtirildi. Festivalga yig'ilganlar musiqiy kechadan bahramand bo'lishdi.