“Uyg‘onish” yoshlar adabiy tanlovining tuman bosqichi tashkil etildi.

---

Do‘stlik tuman axborot-kutubxona markazida yoshlar o‘rtasida kitobxonlik madaniyatini yuksaltirish, adabiyotga bo‘lgan qiziqishni oshirish, iste’dodli yosh ijodkorlarni qo‘llab-quvvatlash hamda ularning ijodiy salohiyatini namoyon etish maqsadida “Uyg‘onish” yoshlar adabiy tanlovining tuman bosqichi tashkil etildi.

🗣Tanlovda Jizzax viloyati Yozuvchilar uyushmasi a’zosi Nafisa Saydazimova ishtirok etdi. Tadbir davomida yoshlarning ijodiy izlanishlarini rag‘batlantirish, ularning adabiyot sohasidagi bilim va mahoratini rivojlantirish, yangi iste’dodlarni kashf etish masalalariga alohida e’tibor qaratildi.
Ishtirokchilar adabiyotning nazm va nasr yo‘nalishlarida bellashib, o‘zlarining she’riy va nasriy asarlari orqali badiiy tafakkuri, ijodiy mahorati hamda adabiyotga bo‘lgan mehrini namoyish etadilar.

⭕️“Uyg‘onish” yoshlar adabiy tanlovi yosh ijodkorlarni kashf etish, ularning iste’dodini yuzaga chiqarish, adabiy muhitni rivojlantirish va yoshlar orasida milliy adabiyotga bo‘lgan qiziqishni yanada kuchaytirishda muhim ahamiyat kasb etadi.

⭕️Bunday ma’naviy-ma’rifiy tadbirlar yoshlarning ijodiy dunyoqarashini kengaytirish, ularni kitobxonlikka va muntazam ijodiy izlanishga undash hamda kelajakda yetuk ijodkorlar bo‘lib kamol topishlariga xizmat qiladi.