Shukur Xolmirzayev tavalludi munosabati bilan ma’naviy-ma’rifiy tadbir tashkil etildi.

---

Joriy yilning 31-mart sanasida Doʻstlik tuman axborot-kutubxona markazi xodimlari tomonidan atoqli yozuvchi Shukur Xolmirzayev tavalludi munosabati bilan ma’naviy-ma’rifiy tadbir tashkil etildi.

Mazkur tadbirda Qahramon MFY hududidagi 4-umumiy o‘rta ta’lim maktabining 7-“B” sinf o‘quvchilari faol ishtirok etdilar. Tadbir davomida yozuvchining hayoti va ijodiy faoliyati haqida atroflicha ma’lumot berilib, uning asarlarida inson qalbi, hayot haqiqatlari hamda milliy va ma’naviy qadriyatlar chuqur va ta’sirchan yoritilgani ta’kidlandi.

Shuningdek, Shukur Xolmirzayev asosan hikoya janrida samarali ijod qilgani, o‘zbek hikoyachiligi rivojiga salmoqli hissa qo‘shgani, adabiyotimizda realistik yo‘nalishni rivojlantirgan yetuk ijodkorlardan biri ekani alohida qayd etildi. Uning asarlari yoshlar tarbiyasida muhim ahamiyat kasb etib, bugungi kunda ham keng kitobxonlar tomonidan sevib mutolaa qilinayotgani e’tirof etildi.

Tadbir yakunida o‘quvchilarning bilim va tafakkurini sinash maqsadida savol-javoblar, qiziqarli interaktiv o‘yinlar tashkil etilib, faol ishtirokchilar rag‘batlantirildi.

\