“Rahbar va yoshlar” uchrashuvi o‘tkazildi

---

“Rahbar va yoshlar” uchrashuvi o‘tkazildi
Payshanba yoshlar kuni doirasida Do‘stlik tuman axborot-kutubxona markazida “Rahbar va yoshlar” uchrashuvi tashkil etildi. Uchrashuv “Raqamli savodxonlik va kiberxavfsizlik kuni” mavzusida bo‘lib o‘tdi.
Tadbir davomida yoshlar bilan zamonaviy axborot texnologiyalaridan samarali foydalanish, internet madaniyati, shaxsiy ma’lumotlarni himoya qilish, ijtimoiy tarmoqlardan xavfsiz foydalanish hamda kibertahdidlardan himoyalanish masalalari yuzasidan suhbat olib borildi. Ishtirokchilarga kuchli parollardan foydalanish, shubhali havolalar va xabarlarga ishonmaslik, elektron qurilmalarni himoya qilish kabi muhim tavsiyalar berildi.
Uchrashuvda yoshlar o‘zlarini qiziqtirgan savollar bilan faol ishtirok etib, raqamli texnologiyalar sohasidagi bilim va ko‘nikmalarini yanada mustahkamlash imkoniyatiga ega bo‘ldilar. Tadbir ochiq muloqot ruhida o‘tib, yoshlarning axborot xavfsizligi borasidagi bilimlarini oshirishga xizmat qildi.
Mazkur uchrashuv yoshlar o‘rtasida raqamli savodxonlikni rivojlantirish, kiberxavfsizlik madaniyatini shakllantirish va internet makonida xavfsiz faoliyat yuritish ko‘nikmalarini mustahkamlashga qaratilgani bilan ahamiyatli bo‘ldi.