Payshanba – Yoshlar kuni

---

Payshanba – Yoshlar kuni

Joriy yilning 24-fevral kuni Davlatimiz rahbari tomonidan yoshlar bilan ularning tashabbuslarini qo‘llab-quvvatlashga bag‘ishlangan ochiq muloqot o‘tkazildi. Unda yoshlarni har tomonlama qo‘llab-quvvatlash, ularning bandligini ta’minlash hamda tashabbuslarini rag‘batlantirish borasida qator muhim topshiriqlar berildi.

Mazkur yig‘ilishda haftaning har payshanba kuni “Yoshlar kuni” sifatida belgilanib, joylarda yoshlar bilan ishlash tizimini yanada kuchaytirish vazifasi aniq belgilab berildi.

Shu munosabat bilan bugun Do‘stlik tumani hokimi Shavkat Darvishev tomonidan Yoshlar shaharchasida joylashgan Axborot-kutubxona markazida tumanning bir guruh faol yoshlari bilan uchrashuv o‘tkazilib, ochiq muloqot tashkil etildi.

Ochiq muloqot yakunida Do‘stlik tuman Axborot-kutubxona markazi mutaxassisi M. Raximova tomonidan aholi va yoshlar uchun hokim kubogi uchun o‘tkaziladigan “Kitobxonlar maydonida” tanlovi e’lon qilingani haqida yig‘ilganlarga ma’lumot berildi. U tanlov shartlari, o‘tkazilish muddati hamda g‘oliblarni hokim kubogi va qimmatbaho sovg‘alar kutayotgani haqida so‘z yuritdi.

Shuningdek, tanlov uchun tavsiya etilgan adabiyotlar bilan tanishtirib, ushbu kitoblar Do‘stlik tuman Axborot-kutubxona markazi fondida mavjud ekanini, ularni o‘qish orqali tanlovda faol ishtirok etib g‘olib bo‘lish mumkinligini ta’kidladi. Yig‘ilish ishtirokchilarining tanlov yuzasidan berilgan savollariga ham atroflicha javob berildi.