"Ochiq osmon ostida kitob ko‘rgazmasi" tashkil etildi.

---

"Ochiq osmon ostida kitob – ma'naviyat maskani"
Joriy yilning 2-iyul sanasida Do‘stlik tuman Axborot-kutubxona markazi tomonidan kitobxonlik madaniyatini yanada rivojlantirish, aholining, ayniqsa yoshlarning bo‘sh vaqtini mazmunli tashkil etish hamda kitob mutolaasiga bo‘lgan qiziqishini oshirish maqsadida "Ochiq osmon ostida kitob ko‘rgazmasi" tashkil etildi.
Ko‘rgazmada o‘zbek va jahon adabiyotining sara namunalari, tarixiy, ilmiy-ommabop, badiiy hamda bolalar adabiyotlari keng namoyish etildi. Tadbir davomida kutubxona mutaxassislari tashrif buyuruvchilarga kitoblarning mazmuni, ularning tarbiyaviy ahamiyati hamda mutolaaning inson kamolotidagi o‘rni haqida batafsil ma'lumot berdilar.
Shuningdek, ishtirokchilarga ularning qiziqishlari va yosh toifasidan kelib chiqib mutolaa uchun tavsiya etiladigan kitoblar haqida tavsiyalar berildi. Kitobxonlar o‘zlarini qiziqtirgan asarlar bilan yaqindan tanishish, ularni mutolaa qilish hamda kutubxonaga a'zo bo‘lish imkoniyatiga ega bo‘ldilar.
Ochiq osmon ostida tashkil etilgan ushbu kitob ko‘rgazmasi kitobsevarlar uchun maroqli va mazmunli ma'naviy maskanga aylandi. Tadbir ishtirokchilari bunday ko‘rgazmalarni muntazam ravishda tashkil etish zarurligini ta'kidlab, mutolaa inson tafakkurini boyitishi, dunyoqarashini kengaytirishi va ma'naviy kamolotga xizmat qilishini alohida e'tirof etdilar.
Do‘stlik tuman Axborot-kutubxona markazi tomonidan kelgusida ham kitobxonlikni targ‘ib etishga qaratilgan ana shunday ma'naviy-ma'rifiy tadbirlarni muntazam ravishda tashkil etish rejalashtirilgan.