O‘zbekiston kasaba uyushmalari kuni munosabati bilan bayram tadbiri tashkil etildi.

---

Do‘stlik tuman Axborot-kutubxona markazida 11-noyabr — O‘zbekiston kasaba uyushmalari kuni munosabati bilan bayram tadbiri tashkil etildi.
Tadbir avvalida Markaz direktori B.Yu. Karimov so‘zga chiqib, barcha kasaba uyushmalari a’zolarini bayram bilan samimiy muborakbod etdi. O‘z tabrigida kasaba uyushmalarining xodimlar huquq va manfaatlarini himoya qilish, mehnat jamoasida birdamlik va hamjihatlikni mustahkamlashdagi muhim o‘rnini alohida ta’kidlab o'tildi.
🟢Tadbir davomida xodimlar o‘rtasida qiziqarli bahs-munozaralar, samimiy suhbatlar va fikr almashuvlar bo‘lib o‘tdi. Shuningdek, markaz faoliyatida fidokorona mehnat qilib, o‘zining munosib hissasini qo‘shib kelayotgan xodimlar estalik sovg‘alari hamda tashakkurnomalar bilan taqdirlandilar.
⭐️Barcha kasaba uyushmalari a’zolarini bayram bilan muborakbod etamiz! Mehnatingiz doimo qadrlansin, huquq va manfaatlaringiz himoyasi mustahkam bo‘lsin, xonadonlaringizdan fayz-u baraka, tinchlik va farovonlik arimasin!