“MUTOLAA SUHBATI” CHELLENJI O‘TKAZILDI

---

“MUTOLAA SUHBATI” CHELLENJI O‘TKAZILDI

📖 Do‘stlik tuman ixtisoslashtirilgan maktab va Do'stlik tuman Axborot-kutubxona markazi bilan hamkorlikda o‘quvchilarning kitobxonlik madaniyatini yuksaltirish, badiiy adabiyotga qiziqishini oshirish, mustaqil va tanqidiy fikrlash hamda o‘z fikrini erkin bayon etish ko‘nikmalarini rivojlantirish maqsadida “Mutolaa suhbati” chellenji tashkil etildi.

✨ Mazkur loyiha maktab kutubxona mudirasi G. Raxmanova va 11-sinf o‘quvchisi S. G‘aybnazarova tashabbusi hamda maktab rahbariyatining qo‘llab-quvvatlashi asosida o‘tkazildi.

👥 Chellenjning dastlabki bosqichida 8–11-sinf o‘quvchilari faol ishtirok etib, o‘zlari mutolaa qilgan badiiy asarlar yuzasidan fikr-mulohazalarini bildirdilar. Ishtirokchilar tanlagan asarlarining mazmuni, mavzusi, g‘oyasi, qahramonlari va bugungi kundagi ahamiyati haqida taqdimotlar qildilar hamda savol-javoblarda o‘z bilim va dunyoqarashlarini namoyon etdilar.

🎤 Tadbirni maktab direktori I. Soliyev ochib berib, o‘quvchilarga muvaffaqiyat tiladi va kitob mutolaasi inson tafakkuri hamda ma’naviy kamolotida muhim o‘rin tutishini ta’kidladi.

⚖️ Ishtirokchilarning chiqishlari ona tili va adabiyot fani o‘qituvchisi M. Toshpo‘latov hamda Do'stlik tuman Axborot-kutubxona markazi xodimlari tomonidan belgilangan mezonlar asosida baholab borildi.

🏆 Chellenj davomida o‘quvchilarning asarni chuqur anglagani, mavzu va g‘oyani ochib bera olishi, mustaqil fikrlashi, nutq ravonligi, savol-javobdagi faolligi hamda mutolaa doirasi kabi jihatlar e’tiborga olindi.