"Men kitob o'qishni sevaman" mavzusida bahs-munozara kechasi tashkil qilindi.

---

Do‘stlik tuman axborot-kutubxona markazi xodimlari tomonidan yoshlarni kitobxonlikka keng jalb qilish, kitob mutolaasiga yanada e'tibor qaratish maqsadida 3-umumiy o‘rta ta‘lim maktabi bilan hamkorlikda faol kitobxon o‘quvchilar ishtirokida "Men kitob o'qishni sevaman" mavzusida bahs-munozara kechasi tashkil qilindi.Dastavval axborot-kutubxona markazi fondidagi eng sara adabiyotlar tanishtirildi.Shundan so‘ng kutubxonachilar bahs-munozara uchun savollarni o'rtaga tashladilar. Faol kitobxon yoshlar o'zlarining o'qigan kitoblari va o'zlarida qay darajada taassurot uygʻota olgani haqida fikr mulohazalarini bildirdilar. Shu bilan bir qatorda ayni damda o'qiyotgan va o‘qimoqchi bo‘lgan kitoblari haqida ham gapirib berdi. Kutubxona mutaxassislari ularni o‘qigan kitoblarini o‘zining tengdoshlari bilan muhokama qilishlari va tengdoshlarini ham o‘zlari kabi kitobga mehr uyg'otishga chaqirdilar. Bahs munozara kechasi barchaga birdek manzur boʻldi.