Kitobxonlikni targ‘ib etishga qaratilgan video roliklar namoyishi tashkil etildi.

---

Joriy yilning 29-iyul sanasida Do‘stlik tuman Axborot-kutubxona markaziga tashrif buyurgan yangi kitobxonlar uchun markaz tomonidan kitobxonlikni targ‘ib etishga qaratilgan video roliklar namoyishi tashkil etildi.
📖 Namoyish davomida kitobxonlarga turli mavzulardagi adabiyotlar haqida ma’lumotlar berilib, qiziqish va yoshiga mos kitoblarni tanlash, mutolaa jarayonini to‘g‘ri tashkil etish bo‘yicha tavsiyalar berildi.
🌟 Shuningdek, yosh kitobxonlar bilan kitob o‘qishning foydali jihatlari, sevimli asarlar va adabiy qahramonlar haqida qiziqarli suhbat tashkil etildi. Ishtirokchilar o‘z fikr-mulohazalarini bildirib, o‘zlari sevib o‘qigan kitoblari haqida fikr almashdilar.
🔖 Ushbu namoyish yoshlar qalbida kitobga bo‘lgan qiziqishni yanada oshirish, ularni mutolaa qilishga rag‘batlantirish, mustaqil fikrlash va dunyoqarashini kengaytirish, shuningdek, bo‘sh vaqtlarini mazmunli o‘tkazishga undashga xizmat qildi.