“Kitob va men” mavzusida davra suhbati tashkil etildi.

---

Payshanba — Yoshlar kuni doirasida Do‘stlik tuman axborot-kutubxona markazida faol kitobxonlar hamda kutubxona xodimlari ishtirokida “Kitob va men” mavzusida davra suhbati tashkil etildi.
Tadbir avvalida markaz mutaxassislari tomonidan kitobning inson hayotidagi o‘rni, yoshlarning ma’naviy-intellektual rivojlanishida kitobxonlikning ahamiyati hamda mutolaa madaniyatini yuksaltirish borasida fikrlar bildirildi.
Suhbat davomida faol kitobxonlar bilan kitobxonlikka oid savol-javoblar o‘tkazilib, ularning mutolaa borasidagi fikr va mulohazalari tinglandi. Shuningdek, yoshlar tomonidan kitobxonlikni yanada rivojlantirish, tengdoshlar o‘rtasida mutolaa targ‘ibotini kuchaytirish yuzasidan turli taklif va tashabbuslar ilgari surildi.
Davra suhbati samimiy fikr almashuv va qiziqarli muloqotlar ruhida o‘tdi. Tadbir yakunida yoshlarni muntazam kitob o‘qishga, bilim va dunyoqarashini boyitishga hamda kitobxonlik madaniyatini yuksaltirishga chorlovlar bildirildi.