“Kitob va bilim sari bir qadam” nomli sayohat tashkil etildi.

---

Joriy yilning 1-fevral kuni Do‘stlik tumani axborot-kutubxona markazida kutubxonaga tashrif buyurgan o‘quvchilar ishtirokida “Kitob va bilim sari bir qadam” nomli sayohat tashkil etildi. Sayohat davomida o‘quvchilar faol kitobxonlar bilan tanishtirildi, shuningdek, kutubxona faoliyati, kitob fondi hamda kitobxonlik madaniyati haqida batafsil ma’lumotlarga ega bo‘ldilar.

Bolalarga kitobning inson hayotidagi o‘rni, mutolaaning ahamiyati haqida tushunchalar berildi. O‘quvchilar o‘zlari qiziqqan adabiyotlar bilan yaqindan tanishdilar. Mazkur sayohat yosh avlodda kitobga bo‘lgan mehrni oshirishga, bo‘sh vaqtni mazmunli tashkil etishga xizmat qildi. Sayohatda jami 10 nafar bola ishtirok etdi.