"Kitob – tafakkur va ma'naviyat manbai" mavzusida kitobxonlik uchrashuvi tashkil etildi.

---

Joriy yilning 17-iyul kuni Do‘stlik tuman axborot-kutubxona markazida Kitobxonlar klubi a'zolari bilan kitobxonlik madaniyatini yuksaltirish, yoshlarning mutolaa qilishga bo‘lgan qiziqishini oshirish hamda kitobxonlar o‘rtasida fikr almashish muhitini yaratish maqsadida "Kitob – tafakkur va ma'naviyat manbai" mavzusida kitobxonlik uchrashuvi tashkil etildi.

Tadbir davomida ishtirokchilar o‘zlari sevib mutolaa qilgan kitoblar haqida fikr-mulohazalarini bildirib, asarlardan olgan taassurotlari bilan o‘rtoqlashdilar. Uchrashuvda kitobning inson hayotidagi o‘rni, mutolaaning tafakkur, dunyoqarash va ma'naviy kamolotga qo‘shadigan hissasi haqida atroflicha suhbat olib borildi.
Ijodkor yoshlarimiz ishtirokida she'rxonlik ham bo'lib o'tdi.
Shuningdek, kitobxonlar o‘rtasida qiziqarli savol-javoblar, kitob tavsiyalari va erkin muloqot tashkil etildi. Faol ishtirok etgan kitobxonlar klubi a'zolari bilan qiziqarli aqlni charxlovchi o'yinlar o'tkazildi.

Mazmunli va samimiy ruhda o‘tgan uchrashuv ishtirokchilarda kitob mutolaasiga bo‘lgan qiziqishni yanada oshirish maqsadida bugungi kunda kutubxonamizda yo'lga qo'yilgan "Kitobdagi taassurotlarim" loyihasi haqida ma'lumotlar berildi va kitobxonlarda bu loyiha katta taassurot uyg'otdi. Bunday ma'rifiy tadbirlar yosh avlodni bilimli, keng dunyoqarashli va yuksak ma'naviyatli insonlar etib tarbiyalashda muhim ahamiyat kasb etadi.