“Kitob – qalb gavhari” nomli davra suhbati tashkil etildi.

---

3-mart kuni Doʻstlik tuman axborot-kutubxona markazi xodimlari hamda 1-son umumtaʼlim maktabi bilan hamkorlikda 3-sinf oʻquvchilari ishtirokida “Kitob – qalb gavhari” nomli davra suhbati tashkil etildi.

Mazkur tadbir davomida oʻquvchilarga oʻzbek xalq ertaklaridan “Yaxshi niyat” ertagi mazmunli va ifodali tarzda soʻzlab berildi. Ertak qahramonlari — quyon, tulki va qoplonning xatti-harakatlari orqali bolajonlar yaxshilik va yomonlik, toʻgʻrilik va halollik haqida muhim xulosalar chiqardilar.

Ertakning yaxshilik bilan yakun topgani oʻquvchilarga yanada manzur boʻldi. Ayniqsa, quyonning dono va oqilona harakatlari bolalarda katta qiziqish uygʻotdi. Tadbir davomida oʻquvchilar bilan qiziqarli savol-javoblar oʻtkazilib, ularning faol ishtiroki taʼminlandi.

Davra suhbatida jami 26 nafar kitobxon oʻquvchi qatnashdi. Tadbir bolajonlarda kitobga boʻlgan mehrni yanada oshirishga xizmat qildi.