“Kitob bilan yangi ufqlar sari”deb nomlangan navbatdagi sayohat tashkil etildi.

---

Joriy yilning 26-fevral sanasida Do‘stlik tuman axborot-kutubxona markazi xodimlari tomonidan   13- umumiy o'rta talim maktabining 7-sinf o‘quvchilari ishtirokida  “Kitob bilan yangi ufqlar sari”deb nomlangan navbatdagi sayohat tashkil etildi. Sayohat davomida o‘quvchilarga kutubxonada amalga oshirilayotgan turli loyihalar haqida batafsil ma’lumot berildi hamda “Faol kitobxonlar” burchagi bilan tanishtirildi. Ushbu burchak orqali kitobxonlikni rivojlantirish, faol o‘quvchilarni rag‘batlantirish va ularning kitobga bo‘lgan qiziqishini oshirishga qaratilgan ishlar haqida tushuntirishlar berildi.

Shuningdek, o‘quvchilar zamonaviy elektron o‘quv zali bilan tanishtirilib, u yerda yaratilgan shart-sharoitlar, elektron resurslardan foydalanish imkoniyatlari hamda mustaqil ta’lim olish jarayonlari haqida ma’lumotlarga ega bo‘ldilar.

Bundan tashqari, o‘quvchilarga o‘lkashunoslikka oid gazeta va jurnallar namoyish etilib, ularning mazmuni, ahamiyati va yoshlar ma’naviyatini boyitishdagi o‘rni haqida tushunchalar berildi. Sayohat davomida o‘quvchilar katta qiziqish bilan ishtirok etib, o‘zlarini qiziqtirgan savollarga javob oldilar.

Mazkur sayohat o‘quvchilarning kitobxonlik madaniyatini oshirish, ularni kutubxona faoliyati hamda mavjud imkoniyatlar bilan yaqindan tanishtirishda muhim ahamiyat kasb etdi.

\