“Jadidlar – milliy o‘zlik, istiqlol va davlatchilik g‘oyasi asoschilari” mavzusida davra suhbati tashkil etildi.

---

Joriy yilning 16-aprel sanasida Do‘stlik tumani axborot-kutubxona markazi xodimlari tomonidan “Kitobxonlik haftaligi” doirasida 18-umumiy o‘rta ta’lim maktabi bilan hamkorlikda “Jadidlar – milliy o‘zlik, istiqlol va davlatchilik g‘oyasi asoschilari” mavzusida davra suhbati tashkil etildi.

Mazkur tadbir davomida o‘quvchilarga jadidchilik harakati, uning namoyandalari, ularning ma’rifatparvarlik faoliyati, xalqni ilm-ma’rifatga chorlagan g‘oyalari hamda Vatan ravnaqi yo‘lida ko‘rsatgan fidoyiligi haqida batafsil ma’lumotlar berildi. Ayniqsa, jadidlarning milliy uyg‘onish va mustaqillik g‘oyalarini ilgari surishda tutgan o‘rni, ularning og‘ir taqdirlari, qatag‘on davridagi sinovlari o‘quvchilarda chuqur taassurot qoldirdi.

Davra suhbati jarayonida o‘quvchilar bilan qiziqarli savol-javoblar o‘tkazilib, ular o‘zlari o‘qigan asarlar, o‘rgangan bilimlari asosida fikr-mulohazalarini bildirdilar. Bu esa yoshlarning tarixiy merosimizga, xususan jadidlar hayoti va ijodiga bo‘lgan qiziqishini yanada oshirdi.

Tadbir yakunida ishtirokchilar jadidlar va ularning boy adabiy-ma’rifiy merosi haqida kengroq tasavvurga ega bo‘ldilar. Davra suhbatida jami 32 nafar kitobxon o‘quvchi yoshlar faol ishtirok etdi