“Ilmli qiz – millat faxri” shiori ostida ko‘rgazma tashkil etildi.

---

Joriy yilning 13-mart kuni Doʻstlik tuman axborot-kutubxona markazi tomonidan “Ilmli qiz – millat faxri” shiori ostida ko‘rgazma tashkil etildi.

Ilm insonni yuksaklikka yetaklovchi eng buyuk boylikdir. Bilimli va ma’rifatli qizlar esa jamiyat taraqqiyoti, oila farovonligi va millat kelajagining mustahkam poydevori hisoblanadi. Qiz bola bilimli bo‘lsa, u nafaqat o‘z hayotini, balki kelajak avlod taqdirini ham yorqin qiladi.

Bugungi kunda yurtimiz qizlari ilm-fan, texnologiya, tibbiyot, san’at va boshqa ko‘plab sohalarda katta yutuqlarga erishib kelmoqda. Ularning intilishi, mehnatsevarligi va iqtidorlari millatimiz faxri sanaladi.

Mazkur ko‘rgazma ilmga intilayotgan qizlarning ibratli yo‘li va yutuqlarini namoyish etib, yoshlarni bilim olishga, o‘z ustida ishlashga hamda yuksak marralarni zabt etishga chorlaydi.