“Ilm va ma’naviyat izidan”deb nomlangan sayohat tashkil etdik.

---

Joriy yilning 4-mart sanasida  Do'stlik tuman axborot-kutubxona markazi xodimlari tomonidan kutubxonaga tashrif buyurgan  turli yoshdagi kitobxonlar ishtirokida kutubxona bo‘ylab mazmunli va qiziqarli “Ilm va ma’naviyat izidan”deb nomlangan sayohat tashkil etdik. Sayohat davomida ishtirokchilar kutubxonamizning bo‘limlari, yangi adabiyotlar va kitobxonlar uchun yaratilgan qulay sharoitlar bilan yaqindan tanishdilar.

Ayniqsa, o‘lkashunoslik yo‘nalishiga alohida e’tibor qaratildi. Kitobxonlar viloyatimiz va yurtimiz tarixi, madaniyati hamda qadriyatlariga oid gazeta va nashrlar bilan tanishtirildi. O‘lkashunoslikka oid gazetalar orqali o‘z hududimizning boy o‘tmishi va bugungi taraqqiyoti haqida batafsil ma’lumotlar berildi.

Sayohat davomida ochiq muloqot tashkil etilib, ishtirokchilar o‘zlarini qiziqtirgan savollarga javob oldilar. Turli yoshdagi kitobxonlarning bir joyga jam bo‘lib, bilim va ma’lumot almashgani tadbirga yanada fayz bag‘ishladi.

Bunday ma’rifiy uchrashuvlar kitobxonlik madaniyatini oshirish, yoshlar qalbida Vatanga muhabbat va tariximizga hurmat tuyg‘usini mustahkamlashga xizmat qiladi.