Doʻstlik tuman Ichki ishlar bo‘limi xodimlari ishtirokida ma'naviy-ma'rifiy sayohat tashkil etildi.

---

Joriy yilning 18-iyul sanasida Doʻstlik tuman Axborot-kutubxona markazida Doʻstlik tuman Ichki ishlar bo‘limi xodimlari ishtirokida ma'naviy-ma'rifiy sayohat tashkil etildi.
✨Mazkur tashrifning asosiy maqsadi kitobxonlik madaniyatini keng targ‘ib etish, kitob mutolaasiga bo‘lgan qiziqishni oshirish hamda kutubxonaning zamonaviy imkoniyatlari va mavjud adabiyotlar fondi bilan yaqindan tanishtirishdan iborat bo‘ldi.
Sayohat davomida kutubxona mutaxassislari mehmonlarga 🔖Axborot-kutubxona markazining faoliyati, kitob fondi, elektron axborot resurslari hamda kitobxonlarga yaratilgan qulay shart-sharoitlar haqida batafsil ma'lumot berdilar. Shuningdek, yangi nashr etilgan badiiy, ilmiy-ommabop, tarixiy va huquqiy adabiyotlar ko‘rgazmasi namoyish etilib, ularda yurtimiz taraqqiyoti, milliy qadriyatlar va ma'naviy yuksalishni targ‘ib etuvchi asarlarga alohida e'tibor qaratildi.
Tadbir davomida kitobning inson kamolotidagi o‘rni, mutolaaning tafakkurni boyitishdagi ahamiyati hamda ma'naviy yetuk avlodni tarbiyalashdagi o‘rni haqida samimiy suhbat bo‘lib o‘tdi. Ichki ishlar organlari xodimlari kutubxonada yaratilgan imkoniyatlarni yuqori baholab, o‘zlarini qiziqtirgan adabiyotlar bilan yaqindan tanishdilar va kitob mutolaasi insonning kasbiy faoliyati hamda shaxsiy rivojlanishida muhim omillardan biri ekanini ta'kidladilar.
Mazkur ma'naviy-ma'rifiy sayohat kitobxonlikni ommalashtirish, kitobga mehr va e'tiborni yanada kuchaytirish hamda davlat tashkilotlari bilan 📚Axborot-kutubxona markazi o‘rtasidagi hamkorlikni mustahkamlash yo‘lida muhim ahamiyat kasb etdi.