Bugun Do'stlik tuman axborot-kutubxona markazi xodimlari Do'stlik tuman tarixiy muzeyida bo'lib, muzey bilan yaqindan tanishdilar.

---

Bugun Do'stlik tuman axborot-kutubxona markazi xodimlari Do'stlik tuman tarixiy muzeyida bo'lib, muzey bilan yaqindan tanishdilar. Ma'lumot sifatida aytib oʻtish joizki, ushbu tarixiy muzey 2024-yil 8-may kunida oʻz faoliyatini boshladi. Muzey shinam, zamonaviy  ko‘rinishda bo‘lib u yerda qarib 53 yillik tuman tarixi yaqqol aks ettirilgan.Muzey xodimi sayohat avvalida tumanda shu davrga qadar tumanni boshqarib rahbarlik qilgan hokimlar foto suratlari va ma'lumotlari bilan tanishtirdi.Muzeyidan joy  olgan barcha eksponatlar o‘z tarixiga ega bo‘lib, deyarli barchachi tuman aholisi tomonidan sovg‘a tariqasida hadya qilingan. Muzeyda  nafaqat Doʻstlik tuman aholisining boy tarixiy manbalari joy olgan, balki Qirgʻiziston prezidenti tomonidan sovgʻa qilingan  qirgʻizcha milliy gilam va qadimiy qamchi ham tarixiy muzeydan joy olgan. Bundan tashqari tuman tarixi aks ettirilgan kitoblar mavjudligi ham quvonarli holatdir. Albatta tumanimiz qahramonlarining bugungi kunda hurmat ehtirom bilan e‘zozlanishi, ularning cho'lda bo‘ston yaratganligi biz uchun, kelajak avlod uchun ham faxr tuyg'usini namoyon etadi. Eng asosiysi Muzeyning tashkil qilinishi  tuman aholisi uchun  kelgusi avlod vakillari uchun ajoyib meros sifatida qadrlanadi. Shunday ekan barcha tumanimizda yashaydigan har bir fuqaro albatta bu muzeyga borishi va tariximiz haqida yaqindan tanishini istab qolgan boʻlar edik.