“Biz giyohvandlikka qarshimiz!” mavzusida suhbatlar tashkil etildi.

---

Joriy yilning 22-sentyabr kuni Do‘stlik tuman hokimligi hamda Do‘stlik tuman axborot-kutubxona markazi hamkorligida yoshlar o‘rtasida giyohvandlik vositalari va psixotrop moddalarni iste’mol qilishning oldini olish, ularning salbiy oqibatlaridan ogohlantirish hamda sog‘lom turmush tarzini targ‘ib qilish maqsadida “Biz giyohvandlikka qarshimiz!” mavzusida suhbatlar tashkil etildi.
💬Suhbatlar davomida giyohvandlikning inson salomatligi, oilaviy muhit va jamiyat hayotiga salbiy ta’siri, ushbu illatga qarshi kurashishda yoshlarning mas’uliyati hamda bo‘sh vaqtni mazmunli tashkil etishning ahamiyati haqida tushuntirishlar berildi. Shuningdek, yoshlarni sport, kitobxonlik, ta’lim va kasb-hunarga yo‘naltirish, zararli odatlardan yiroq bo‘lish hamda sog‘lom va faol hayot tarzini olib borishga chaqirildi.
✅Tadbirdan so‘ng yoshlar o‘rtasida “Zakovat” bilimdonlar bellashuvi tashkil etildi. Unda 4 ta jamoa ishtirok etib, o‘z bilim va intellektual salohiyatlarini sinovdan o‘tkazdilar.
Bellashuv davomida berilgan savollarga eng ko‘p to‘g‘ri javob bergan jamoalar quyidagi o‘rinlarni egalladilar:
🥇 1-o‘rin — 18-sonli umumiy o‘rta ta’lim maktabi o‘quvchilari.
🥈 2-o‘rin — 2-sonli umumiy o‘rta ta’lim maktabi o‘quvchilari.
🥉 3-o‘rin — 1-sonli va 14-sonli umumiy o‘rta ta’lim maktablari jamoalari.
Mazkur tadbir yoshlar o‘rtasida sog‘lom turmush tarzini targ‘ib qilish, ularning huquqiy va ijtimoiy mas’uliyatini oshirish, bilim va tafakkurini rivojlantirish hamda bo‘sh vaqtlarini mazmunli tashkil etishga xizmat qildi.