“Bir asar tarixi” shiori ostida ma’naviy-ma’rifiy tadbir tashkil etildi.

---

Joriy yilning 7-sentyabr sanasida Do‘stlik tuman axborot-kutubxona markazi xodimlari tomonidan Ixtisoslashtirilgan maktabida faol kitobxon o‘quvchilar ishtirokida “Bir asar tarixi” shiori ostida ma’naviy-ma’rifiy tadbir tashkil etildi.

🗣Tadbirning asosiy maqsadi o‘quvchilarni badiiy adabiyotga yanada kengroq jalb etish, kitobxonlik madaniyatini rivojlantirish hamda asarlar orqali insoniy qadriyatlarni chuqurroq anglashga undashdan iborat bo‘ldi.

Tadbir davomida taniqli afg‘on-amerikalik yozuvchi Xolid Husayniyning “Ming quyosh shulasi” asari haqida atroflicha so‘z yuritildi. Asarning yaratilish tarixi, unda aks etgan inson taqdiri, mehr-oqibat, sabr-toqat, matonat va hayot sinovlari haqida o‘quvchilarga ma’lumot berildi.

📖Shuningdek, asar mazmuni yuzasidan qizg‘in fikr almashildi. Faol kitobxon o‘quvchilar o‘z taassurotlari, asardan olgan saboqlari va qahramonlar taqdiriga doir fikrlarini bildirdilar. Ayniqsa, asarda inson qalbidagi umid va yorug‘likning eng og‘ir sinovlar qarshisida ham so‘nmasligi haqidagi g‘oya ishtirokchilarda katta taassurot qoldirdi.