“Bilim sari ochilgan eshik”deb nomlangan sayohat tashkil etildi.

---

Joriy yilning 4-mart sanasida  Do'stlik tuman axborot-kutubxona markazi xodimlari tomonidan kutubxonaga tashrif buyurgan yosh  kitobxon qizlar ishtirokida “Bilim sari ochilgan eshik”deb nomlangan sayohat tashkil etildi. Sayohat davomida ishtirokchilar kutubxonadagi turli bo‘limlar, yangi kelgan kitoblar hamda kitobxonlar uchun yaratilgan qulay sharoitlar bilan yaqindan tanishdilar.

Shuningdek, kitoblarning inson hayotidagi ahamiyati, mutolaa madaniyati hamda bilim olishda kitobning o‘rni haqida suhbatlar olib borildi. Kitobxonlar o‘zlarini qiziqtirgan savollarga javob olib, kutubxona faoliyati haqida yanada kengroq tasavvurga ega bo‘ldilar.

Bunday sayohatlar kitobxonlarning bilimini boyitish, ularni kitobga yanada yaqinlashtirish va kutubxonaga bo‘lgan qiziqishni oshirishga xizmat qiladi.