Agata Kristi ijodiga bag‘ishlangan davra suhbati tashkil etildi.

---

Joriy yilning 16-sentyabr kuni Abu Ali ibn Sino nomidagi tibbiyot texnikumi talabalari ishtirokida Do‘stlik tuman axborot-kutubxona markazida jahon adabiyotining mashhur vakili, detektiv janrining yorqin namoyandasi Agata Kristi ijodiga bag‘ishlangan davra suhbati tashkil etildi.
💬Davra suhbatida Agata Kristining hayoti va ijodiy faoliyati, detektiv janr rivojiga qo‘shgan hissasi hamda uning asarlarining o‘ziga xos jihatlari haqida so‘z yuritildi.
Agata Kristi o‘zining sirli voqealar, kutilmagan burilishlar va mantiqiy yechimlarga boy asarlari bilan butun dunyo kitobxonlarining mehrini qozongan. Yozuvchining mashhur qahramonlari — Erkyul Puaro va Miss Marpl o‘zining ziyrakligi, kuzatuvchanligi va mantiqiy fikrlashi bilan ko‘plab murakkab jinoyatlarning sirlarini ochib berishi bilan kitobxonlarga yaxshi tanish.
🟦Suhbat davomida yozuvchining “Sharqiy ekspressdagi qotillik”, “Nil daryosidagi o‘lim” kabi mashhur asarlari haqida ham fikr almashildi. Ushbu asarlar bugungi kungacha o‘zining qiziqarli syujeti va sirli voqealari bilan kitobxonlar tomonidan sevib mutolaa qilinib kelinayotgani ta’kidlandi.