“Adabiy do‘stlik — abadiy do‘stlikdir” mavzusidagi xalqaro anjuman ishtirokchilarini tantanali kutib olish marosimi bo‘lib o‘tdi.

---

 “Adabiy do‘stlik — abadiy do‘stlikdir”

2026-yil 28-aprel kuni Do‘stlik tuman axborot-kutubxona markazida “Adabiy do‘stlik — abadiy do‘stlikdir” mavzusidagi xalqaro anjuman ishtirokchilarini tantanali kutib olish marosimi bo‘lib o‘tdi.

Tadbir davomida 13-umumiy o‘rta ta’lim maktabining iqtidorli va faol o‘quvchilari tomonidan she’riy chiqishlar namoyish etildi. Shuningdek, “Buyuk siymolar” obrazlari gavdalantirilgan sahna ko‘rinishidan parchalar ijro etilib, tomoshabinlarga yuksak badiiy kayfiyat ulashildi.

Yoshlarning mazmunli, ifodali va mahorat bilan tayyorlangan chiqishlari mehmonlar tomonidan iliq qarshi olinib, yuksak e’tirof etildi. Ushbu tadbir adabiyot orqali xalqlar o‘rtasidagi do‘stlik rishtalarini mustahkamlash, madaniy-ma’rifiy hamkorlikni yanada rivojlantirishga xizmat qildi.