"21 qadam" loyihasining navbatdagi bosqichi bo`lib o`tdi

---

Doʻstlik tuman axborot-kutubxona markazi tomonidan tashkil etilgan "21 qadam" loyihasining navbatdagi bosqichi, Doʻstlik tuman Yoshlar ishlari agentligi, Mahallalar uyushmasi hamda 3-sonli Bolalar musiqa va sanʼat maktabi xodimlari ishtirokida boʻlib oʻtdi. Har bir tashkilotdan 1 nafardan mutaxassis ushbu loyiha doirasida oʻzaro bellashishdi. 21 qadam ostida turli savollarga javob berib,  qiziqarli, jumboqli va imtiyozli, yashirin shartlarda oʻz bilim va zukkoligini namoyon etib, turli ballarni qoʻlga kiritishdi. Qizgʻin bahs va munozaralarga boy boʻlgan loyiha yakunida eng yuqori ball bilan Doʻstlik tuman Yoshlar ishlari agentligi xodimi Elmurodov Diyorbek gʻoliblikni qoʻlga kiritdi. Barcha ishtirokchilar Diplom va qimmatbaho sovgʻalar bilan taqdirlandi.