2026–2028-yillarga mo‘ljallangan yangi “Jamoa shartnomasi” tasdiqlanganligi yuzasidan yig‘ilish tashkil etildi.

---

Do‘stlik tuman axborot-kutubxona markazida boshlang‘ich kasaba uyushmasi raisi tashabbusi bilan tashkilotda faoliyat yuritayotgan xodimlarning ijtimoiy-iqtisodiy hamda mehnat huquqlarini ta’minlash maqsadida 2026–2028-yillarga mo‘ljallangan yangi “Jamoa shartnomasi” tasdiqlanganligi yuzasidan yig‘ilish tashkil etildi.

Yig‘ilish davomida yangilangan Jamoa shartnomasi mazmuni haqida batafsil ma’lumot berildi. Mazkur jamoa shartnomasi 18 ta bo‘lim, 219 ta band va 2 ta ilovadan iborat ekani hamda undagi barcha normalar amaldagi qonunchilik talablariga to‘liq mos kelishi ta’kidlab o‘tildi.

Shuningdek, xodimlarning ish jarayonida yuzaga kelishi mumkin bo‘lgan turli muammoli vaziyatlarga yechim aynan ushbu jamoa shartnomasida belgilangan bo‘lim va bandlar asosida hal etilishi mumkinligi tushuntirib berildi.

Yig‘ilish yakunida barcha xodimlar jamoa shartnomasi bilan tanishib chiqib, uning mazmun-mohiyati haqida tegishli ma’lumotlarga ega bo‘ldilar.